“Napoli” İtaliya A Seriyasının 23-cü turunda “Sassuolo” ilə qarşılaşıb (2:0).

"Operativ Məlumat Mərkəzi-OMM" xarici KİV-ə istinadən xəbər verir ki, bu matç Neapol təmsilçisinin gürcü yarımmüdafiəçisi Xviça Kvaratsxeliya üçün əlamətdar olub.

O, “Napoli”nin heyətində ardıcıl 5-ci görüşdə fərqlənməyi bacarıb. Bu matçlarda Kvaratsxeliya 4 qol vurub və 4 məhsuldar ötürmə ilə yadda qalıb.

Öncədən oyunçu 2022-ci il oktyabrın 1-dən 16-dək olan müddətdə eyni seriyanı sərgiləmişdi.

Kvaratsxeliya cari mövsümdə “Napoli”nin heyətində bütün turnirlər daxil olmaqla 24 oyuna çıxıb, 12 qol vurub və 14 məhsuldar ötürmə edib.

Bu gün Azərbaycan Premyer Liqasında XXXIV turun növbəti oyunları keçiriləcək.

"Operativ Məlumat Mərkəzi-OMM" xəbər verir ki, günün ilk matçında “Araz-Naxçıvan” doğma meydanda “Turan Tovuz”la qarşılaşacaq. "Liv Bona Dea Arena"da oynanılacaq görüş saat 17:00-da başlayacaq.

Hazırda Naxçıvan təmsilçisi 35 xalla doqquzuncu, “Turan Tovuz” isə 42 xalla yeddinci pillədə qərarlaşıb.

Günün ikinci oyununda “Zirə” və “Qarabağ” komandaları üz-üzə gələcəklər. Zirə Olimpiya İdman Kompleksinin stadionunda baş tutacaq oyun saat 19:30-da start götürəcək.

“Zirə” 52 xalla üçüncü, “Qarabağ” isə 76 xalla birinci yerdədir.

Qeyd edək ki, tura mayın 12-də keçiriləcək 2 görüşlə yekun vurulacaq.

Fransanın PSJ klubu baş məşqçisi Luis Enrike ilə bağlı qərar qəbul edib.

"Operativ Məlumat Mərkəzi-OMM" ESPN-ə istinadən xəbər verir ki, 54 yaşlı mütəxəssis növbəti mövsüm Paris təmsilçisindəki fəaliyyətini davam etdirəcək.

Rəhbərlik Enrikenin işindən razıdır və onun çox nailiyyətlər əldə edə biləcəyinə inanır.

Qeyd edək ki, PSJ UEFA Çempionlar Liqasının yarımfinal mərhələsinin hər iki oyununda Almaniyanın "Borussiya" (Dortmund) klubuna 0:1 hesabı ilə uduzub.

“Qarabağ”ın sabiq qapıçısı İbrahim Şehiç Bosniya və Herseqovina millisindəki karyerasını bitirib.

"Operativ Məlumat Mərkəzi-OMM" xəbər verir ki, Səudiyyə Ərəbistanının “Əl-Halic” komandasında çıxış edən 36 yaşlı qolkiper qərarını sosial şəbəkə hesabında açıqlayıb.

“Günlərdir nə deyəcəyimi, haradan başlayacağımı düşünürəm. Sevimli formanı geyinmək üçün mənə gələn ilk zəngdən indiyədək inanılmaz 14 il keçib. Atam vətən uğrunda həlak olub. Mən də ölkəmi bu yolla müdafiə etdim. 66 oyunda Bosniya və Herseqovinanın gerbini qürurla üzərimdə daşıdım. Bu yolda məni müşayiət edən hər kəsə - ailəmə, dostlarıma, məşqçilərimə və komanda yoldaşlarıma minnətdaram. Siz məni daha yaxşı insan etdiniz. Çox sağ olun. Milli komandamızın ən yaxşı azarkeşlərinə təşəkkür edirəm. Burada ən gözəl xatirələr, ən böyük sevinc və kədərlər, məni göylərə ucaldan uğurlar, bədənimin hər hüceyrəsində hiss etdiyim məğlubiyyətlər yaşadım. Hər şey üçün təşəkkürlər”, - təcrübəli oyunçu yazıb.

Qeyd edək ki, İbrahim Şehiç 2013-2018-ci illər mövsümündə “Qarabağ”ın şərəfini qoruyub. 2010-cu il noyabrın 17-də yığmada debüt edən təcrübəli qapıçı ümumilikdə 55 oyunda meydanda olub.

Azərbaycan Premyer Liqasında XXXIII tura yekun vurulub.

"Operativ Məlumat Mərkəzi-OMM" xəbər verir ki, günün yeganə oyununda "Səbail" və "Qəbələ" komandaları üz-üzə gəliblər. "ASCO Arena"da baş tutan qarşılaşma qonaqların 3:2 hesablı qələbəsi ilə yekunlaşıb.

Bu nəticədən sonra "Səbail" 42 xalla altıncı, ötən tur "Kəpəz"ə məğlub olaraq Premyer Liqa ilə vidalaşan "Qəbələ" isə 20 xalla sonuncu - 10-cu yerdədir.

Turun daha əvvəl reallaşan görüşlərində "Qarabağ" "Neftçi"yə 5:0, "Zirə" "Turan Tovuz"a 2:1, "Sabah" "Araz-Naxçıvan"a 1:0 hesabı ilə qalib gəlib. "Kəpəz" - "Sumqayıt" görüşü isə 1:1 hesablı heç-heçə ilə yekunlaşıb.

"Yuventus" klubunun qapıçısı Voytsex Şesny İngiltərə Premyer Liqasına qayıda bilər.

"Operativ Məlumat Mərkəzi-OMM" "Goal.com"-a istinadən xəbər verir ki, qapıçının xidmətində "Arsenal" maraqlıdır.

Klubun onu Aron Ramsdalenin yerinə düşünür.

İtaliya A seriyasının bu mövsümündə 34 yaşlı qapıçı 33 oyun keçirib.