"Google"un məşhur veb brauzeri "Chrome"un aydan-aya necə sürətləndiyini göstərən qrafik paylaşılıb.
"Operativ Məlumat Mərkəzi-OMM" xəbər verir ki, "Google" tərəfindən edilən paylaşıma görə, "Chrome" indi "Android" və "Mac" ilə daha sürətli işləyir.
Bir müddətdir "Chrome" brauzerinin performansını yaxşılaşdırmaq üzərində çalışan "Google" nəticə əldə edib. Son 3 ayda "Chrome"da sürətdə 10% artım olub. Bəzi "Android" cihazlarında bu artım 30 faizə çatıb.
"Chrome"a edilən dəyişikliklər təkmilləşdirilmiş keşləmədən tutmuş yaddaşın daha yaxşı idarə olunmasına qədər bir sıra düzəlişləri əhatə edirdi. "Apple"ın Speedometer 2.1 brauzer benchmarkı da "Chrome"un zamanla nə qədər sürətli olduğunu göstərir.
Veb brauzer bazarında lider olan Google Chrome 2023-cü ilin mart ayı statistikasına görə qlobal bazarın 64,8 faizinə nəzarət edir. İş masasına keçərsə, bu nisbət 65 faizi keçir. "Edge" və "Safari" "Chrome"u izləyir.
"Google" test nəticələrinə görə sürət artımını göstərən qrafiki dərc edərkən, testləri hansı cihazla etdiyini açıqlamayıb.
