Futzal yığmasının heyəti açıqlandı: 17 oyunçu dəvət edildi

Azərbaycan futzal millisinin yeni təlim-məşq toplanışı başlayır. Komanda aprelin 9-da və 11-də Tbilisidə Gürcüstan, 13-ü və 15-də isə Aktauda Qazaxıstan yığmaları ilə qarşılaşacaq.

Azərbaycan Futzal Federasiyasından “Operativ Məlumat Mərkəzi-OMM”-ə verilən məlumata görə, aprelin 5-dən 7-dək Bakıda keçiriləcək hazırlıq prosesinə baş məşqçi Yevgeni Kukseviç 3-ü qapıçı olmaqla ümumilikdə 17 futzalçı dəvət edib.

Komanda məşqlərini gündə iki dəfə olmaqla "Olimpik Star"da reallaşdıracaq.

Qapıçılar:

• Emin Kürdov, Rövşən Hüseynli (hər ikisi "Araz-Naxçıvan")
• Cavad Məmmədov ("Baku Fire")

Oyunçular:

• Nihad İsmayılov, Emil Həsənzadə, Tofiq Əliyev (hamısı "Neftçi" İK)
• Tofiq Mikayılov, Oqtay Rüstəmli, Eldar Zeynalov, Novruz Kazıxanov, Murad Quluzadə, Kənan Manafov, Fərid Abbasov (hamısı "Baku Fire")
• Pünhan Qasımzadə (U-19)
• Ədalət Ələkbərov, Ülvi Əliyev (hər ikisi "Araz-Naxçıvan")
• Qüdrət Qasımzadə ("Şuşa")