Fransada Senat ictimai yerlərdə süni intellekt texnologiyası ilə sifətin tanınması vasitəsilə şəxsin şəxsiyyət məlumatlarına daxil olmağa imkan verən qanun layihəsini təsdiqləyib.
"Operativ Məlumat Mərkəzi-OMM" xarici mediaya istinadən xəbər verir ki, Fransa parlamentinin yuxarı palatası təhlükəsizlik tədbirləri çərçivəsində ictimai yerlərdə biometrik texnologiyadan istifadə etməklə sifətin tanınmasına icazə verən qanun layihəsini səsə qoyub.
Qanun layihəsi Senatda 117 əleyhinə olmaqla 226 səslə qəbul edilib.
2024-cü il Paris Olimpiya Oyunlarından əvvəl tətbiq edilməsi nəzərdə tutulan texnologiya ilə şübhəlilərin şəxsiyyətləri kameralar vasitəsilə uzaqdan skan edilə biləcək.
