Fransanın müdafiə naziri Sebastien Lekornu Ukraynaya hərbi yardım paketi ilə bağlı açıqlamalar verib.
"Operativ Məlumat Mərkəzi-OMM" xəbər verir ki, Fransanın Ukraynaya yüzlərlə zirehli texnika göndərəcəyini açıqlayan Lekornu, Ukraynanın geniş cəbhə xəttinə sahib olması və hərbi hissələrin hərəkətliliyi baxımından bu vasitələrin əhəmiyyətini vurğulayıb.
Fransa hər ay istehsal olunan "Sezar" artilleriya sistemlərinin sayını 6-dan 12-yə qaldırıb.
Fransa ordusunun 40 ildən artıqdır istifadədə olan VAB zirehli texnikasını yeni nəsil maşınlarla əvəzlədiyini qeyd edən Lekornu, hələ də işlək vəziyyətdə olan köhnə zirehli maşınların və "Aster" tipli raketlərin əvvəldən Ukraynaya göndəriləcəyini bildirib.
