Göyərtəsində 11 nəfər olan kiçik təyyarə ABŞ-nin Florida ştatı sahillərində qəzaya uğrayıb.
“Operativ Məlumat Mərkəzi-OMM” xəbər verir ki, bu barədə "The New York Post" məlumat yayıb.
Məlumata görə, təyyarə havaya qalxdıqdan qısa müddət sonra pilot nasazlıq barədə xəbərdarlıq edib və daha sonra sahildən təxminən 80 kilometr aralıda okeana düşüb.
Axtarış-xilasetmə əməliyyatlarına ABŞ Sahil Mühafizəsinin təyyarəsi və gəmiləri cəlb olunub. Bildirilib ki, göyərtədə olan 11 nəfərin hamısı xilas edilərək xəstəxanalara yerləşdirilib.
Qəzanın səbəbləri araşdırılır. Milli Hava Xidmətinin məlumatına görə, hadisə zamanı hava şəraiti uçuş üçün əlverişsiz olub, külək güclənib və göy gurultulu leysan ehtimalı yüksək olub.
