OMM Redaksiyası
Almaniyanın “RB Leypsiq” klubunda çıxış edən Kastello Lyukeba Avropanın transfer bazarında bir sıra klubların maraq dairəsindədir.
"Operativ Məlumat Mərkəzi-OMM" xəbər verir ki, bu barədə insayder Ekrem Konur sosial şəbəkələrdə məlumat yayıb.
“Barselona”nın baş məşqçisi Hans-Diter Flik 23 yaşlı fransalı futbolçunu kataloniya klubunun əsas transfer hədəflərindən biri hesab edir.
Lyukeba ilə hansı klublar maraqlanır?
İspaniya çempionunun müdafiəçini transfer etmək cəhdinə İngiltərənin “Arsenal”, “Çelsi” və “Mançester Yunayted” klubları mane ola bilər. İngiltərə Premyer Liqası təmsilçiləri fransalı oyunçunun karyerasını izləyirlər.
“Transfermarkt” portalı Lyukebanın transfer dəyərini 50 milyon avro qiymətləndirir. Futbolçunun “RB Leypsiq”lə müqaviləsi 2029-cu il iyunun sonunadək qüvvədədir.
