Fələstin rəhbərliyi ölkənin BMT-yə qəbuluna veto qoyulması ilə bağlı ABŞ-la münasibətləri təhlil edəcək.

"Operativ Məlumat Mərkəzi-OMM" xəbər verir ki, bu sözləri Fələstin prezidenti Mahmud Abbas yerli WAFA agentliyi ilə danışıqlarda deyib.

Dövlət başçısının sözlərinə görə, ABŞ-ın bu məsələyə veto qoyması “məyusedici, məsuliyyətsiz və üzrsüzdür” və “Fələstin xalqının hüquqlarına hədsiz hücum, beynəlxalq ictimaiyyətin iradəsinə meydan oxumaqdır”.

Abbas vurğulayıb ki, Fələstin xalqının maraqlarının qorunmasına zəmanət vermək üçün Amerika rəsmiləri ilə münasibətlərə yenidən baxılır.

"Amerika hələ də İsraili silah və pulla təmin etməklə onu soyqırım müharibəsinə son qoymağa məcbur etməkdən imtina edir", - deyə prezident bildirib.

Avropa Birliyi (AB) "Facebook" və "Instagram"da yetkinlik yaşına çatmayanların müdafiəsi ilə bağlı Birliyin qaydalarına əməl edilməməsi səbəbiylə Metaya qarşı araşdırma başladıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada Meta-nın tətbiq etdiyi yaş yoxlama üsullarının da problemli olduğu və bunun "dovşan dəliyi effekti" adlı nəticəyə gətirib çıxara biləcəyi ifadə edilib.

Açıqlamaya görə, Komissiya bu məsələ ilə bağlı əlavə məlumat və sübut toplamaqda davam edəcək.

Keçən il qüvvəyə minən Aİ qanununa əsasən, Avropada fəaliyyət göstərən əsas rəqəmsal platformalar ciddi qaydalara tabedir. Texnologiya şirkətləri öz platformalarında qanunsuz və zərərli məzmunla mübarizə aparmaq üçün müxtəlif tədbirlər həyata keçirməlidirlər.

Aİ qaydaları pozan rəqəmsal platformalara qlobal dövriyyəsinin 6 faizinə qədər cərimə tətbiq edə bilər.

İsrail döyüş təyyarələrinin Qəzza zolağının şimalındakı Cibaliya Qaçqınlar Düşərgəsində mülki əhalinin yerləşdiyi ərazini vurması nəticəsində çoxlu sayda ölən və yaralananın olduğu bildirilib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İlkin məlumatlara görə, hücumda çoxlu fələstinli ölüb, çoxlu sayda fələstinli yaralanıb. Ölən və yaralananlar Cibaliya bölgəsindəki Əl-Avde xəstəxanasına gətirilib.

İndoneziyanın Şimali Maluku əyalətindəki İbu vulkanında baş verən silsilə püskürmələrdən sonra xəbərdarlıq səviyyəsi ən yüksək səviyyəyə qaldırılıb.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Belə ki, İndoneziya Geologiya Administrasiya rəsmilərindən Məhəmməd Vafid ötən həftədən bəri partlayışların yaşandığı İbu vulkanı ilə bağlı açıqlama verib.

Vafid əyalətdəki Halmahera adasındakı vulkanın vulkanik fəaliyyətlərinin araşdırılması nəticəsində xəbərdarlıq səviyyəsinin ən yüksək səviyyə olan 3-dən 4-ə yüksəldildiyini bildirib. Səlahiyyətlilər yerli əhaliyə və turistlərə 1325 metr yüksəklikdəki İbu vulkanının 7 kilometrliyində heç bir fəaliyyətlə məşğul olmamaq barədə xəbərdarlıq edib.

Fransanın Sakit okeanda yerləşən Yeni Kaledoniya adasında bazar ertəsi başlayan şiddətli iğtişaşlarda 206 nəfər saxlanılıb.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Fransa parlamentində 10 ildən artıqdır adada yaşayan Fransa sakinlərinə əyalət seçkilərində daha çox səsvermə hüququ verilməsini təklif edən qanun layihəsi müzakirə olunmağa başladığı üçün Makronun əmri ilə dünən getdikcə şiddətlənən iğtişaşları yatırmaq üçün fövqəladə vəziyyət elan edilib. İş yerlərinin, nəqliyyat vasitələrinin və infrastrukturun zədələndiyi hadisələrdə üsyançılar yollarda barrikadalar qurub. Yerli media hadisələrdə ən azı 4 nəfərin öldüyünü açıqlayıb.

Braziliyada leysan yağışların səbəb olduğu daşqınlarda həyatını itirənlərin sayının 150-yə, itkin düşənlərin sayının isə 112-yə yüksəldiyi bildirilib.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Belə ki, ölkənin cənubundakı Rio Qrande-du-Sul əyalətində iki həftədir davam edən yağışların səbəb olduğu daşqınlar səbəbindən can və mal itkiləri artır.

Açıqlamada yaralananların sayının 807-yə yüksəldiyi və seldən zərər çəkənlərin sayının 2 milyon 120 mini, köçkünlərin sayının isə 620 mini keçdiyi bildirilib. Fəlakət bölgəsindən 80 min insanın xilas edildiyi, axtarış-xilasetmə işlərinin davam etdiyi bildirilib.