İsrail hərbi qüvvələri “Əş-Şifa” xəstəxanası və ona bağlı tunel şəbəkəsində HƏMAS-a qarşı keçirdiyi əməliyyatlarda 140-dan çox HƏMAS silahlısını öldürüb.
"Operativ Məlumat Mərkəzi-OMM" xəbər verir ki, bu barədə İsrail müdafiə nazirliyinin mətbuat katibi Daniel Haqari məlumat verib.
O, HƏMAS-ın 600 silahlısının həbs edildiyini deyib.
Onların arasında qruplaşmanın yüksək rütbəli komandirləri də var.
Əməliyyatlar zamanı 2 İsrail əsgəri öldürülüb.
Haqari əməliyyatların bir neçə gün davam edə biləcəyini ifadə edib.
HƏMAS Əş-Şifa xəstəxanası və tunel şəbəkəsində heç bir döyüşçüsünün olmadığını, xəstəxanada öldürülənlərin yaralı və evlərindən qaçqın düşmüş dinc əhali olduğunu bildirir.
Əş-Şifa xəstəxanası ətrafında HƏMAS silahlılarının necə yenidən qruplaşdığı Amerika hökuməti tərəfindən də araşdırılan məsələdir.
“İsrail Əş-Şifanı bir dəfə təmizlədi. HƏMAS isə ora yenidən qayıtdı. Bu sual doğrur: HƏMAS-ın əraziyə yenidən nəzarəti ələ ala bilməməsi üçün ona qarşı hansı dayanıqlı kampaniya aparmaq olar”, - deyə Amerika Birləşmiş Ştatlarının Milli Təhlükəsizlik Müşaviri Ceyk Salivan bildirib.
