Ermənistanda Fransa, Yunanıstan və ABŞ hərbçilərinin iştirakı ilə “Qartal Tərəfdaş-2026” (“Eagle Partner-2026”) hərbi təlimləri başlayıb.
"Operativ Məlumat Mərkəzi-OMM" xəbər verir ki, bu barədə “İnterfaks” məlumat yayıb.
Məlumata görə, təlimlərdə Ermənistan Silahlı Qüvvələrinin sülhməramlı briqadasından 250 hərbçi iştirak edir. Həmçinin Avropa və Afrikadakı ABŞ ordusundan, eləcə də Kanzas Milli Qvardiyasından 58 hərbçi, Fransa Silahlı Qüvvələrindən 24 hərbçi və Yunanıstan ordusundan 11 hərbçi təlimlərə cəlb olunub.
Bildirilib ki, təlimlər çərçivəsində sülhməramlı missiyalara hazırlıq və bu istiqamətdə fəaliyyətlərin icrası üzrə məşqlər keçiriləcək.
Təlimlərin əsas məqsədi beynəlxalq sülhməramlı əməliyyatlarda iştirak edən bölmələr arasında qarşılıqlı fəaliyyət və koordinasiya səviyyəsini artırmaqdır.
Qeyd edək ki, Ermənistan və ABŞ arasında ilk “Eagle Partner” təlimləri 2023-cü ilin sentyabrında keçirilib. Sonuncu belə təlimlər isə 2025-ci ilin avqustunda Ermənistanda baş tutub.
