Ermənistanın xarici işlər naziri Ararat Mirzoyan BMT-nin İnsan Hüquqları üzrə ali komissarı Volker Türk ilə görüşüb.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, Ararat Mirzoyan və Volker Türk insan hüquqlarının müdafiəsi sahəsində prioritetlər, beynəlxalq insan hüquqları sisteminin üzləşdiyi mövcud çətinliklər və əməkdaşlığın əsas sahələri barədə fikir mübadiləsi aparıblar.
Mirzoyan Ermənistan və Azərbaycan arasında bərqərar olmuş sülhün daha da institusionallaşdırılması üçün Ermənistanın yanaşmalarını təqdim edib.
Sülhün davamlı olaraq möhkəmləndirilməsi, etimad mühitinin yaradılmasına yönəlmiş addımlar, eləcə də münaqişədən təsirlənən əhalinin ehtiyaclarının ödənilməsi və humanitar məsələlər mövzuları müzakirə edilib.
Görüşdə demokratik dayanıqlığı və insan hüquqları təsisatlarına etimadı davamlı olaraq gücləndirmək üçün fəal əməkdaşlığın vacibliyi vurğulanıb.
