Ermənistanın xarici işlər naziri (XİN) Ararat Mirzoyan martın 9-dan Hindistanda rəsmi səfərdədir.
Bu barədə "Operativ Məlumat Mərkəzi-OMM" Hindistan XİN-in bəyanatına istinadən xəbər verir.
Ararat Mirzoyan və Hindistanın XİN başçısı Subrahmanyam Caiyşankar arasında görüş planlaşdırılır.
Həmçinin Beynəlxalq Münasibətlər üzrə Hindistan Şurasında (ICWA) digər görüşlər və müzakirələr də nəzərdə tutulub.
"Bu səfər çox rəmzi bir məqamda baş tutur, çünki bu il ölkələrimiz arasında dostluq və əməkdaşlıq haqqında müqavilənin imzalanmasının 30 ili tamam olur. Müxtəlif sahələrdə əməkdaşlığın dərinləşdirilməsinə yönəlmiş gələcək müzakirələri səbirsizliklə gözləyirəm", - A.Mirzoyan sosial şəbəkələrdə yazıb.
