Əraqçi: İsrail nüvə obyektlərinə hücum edərsə, ABŞ məsuliyyəti öz üzərinə götürəcək

Əgər İsrail İranın nüvə obyektlərinə hücum etsə, İran ABŞ-ı hücumda şərik kimi görəcək və ABŞ-ı bunun hesabını verməyə məcbur edəcək.

"Operativ Məlumat Mərkəzi-OMM" xəbər verir ki, bu açıqlama ilə İran Xarici İşlər Nazirliyinin rəhbəri Abbas Əraqçi çıxış edib.

Nazir BMT-nin baş katibi Antonio Quterreş və Beynəlxalq Atom Enerjisi Agentliyinin (MAQATE) administratoru Rafael Qrossiyə məktub yazıb. Bildirilib ki, İran İsrailə tələsik hərəkət etməməsi barədə xəbərdarlıq edib. Əraqçi deyib ki, istənilən təhdid və ya pozuntulara “sərt və qətiyyətli cavab” veriləcək.

"Dəfələrlə təhdidləri nəzərə alaraq, İran öz nüvə obyektlərini qorumaq üçün bir sıra tədbirlər görməli olacaq və bu barədə MAQATE-yə məlumat veriləcək", - deyə Əraqçi bildirib.