Afət Ziyadqızı
ABŞ-nin Prezidenti Donald Tramp İsrail və ABŞ siyasəti ilə bağlı yeni açıqlamalar verib.
“Operativ Məlumat Mərkəzi-OMM” xəbər verir ki, “CNBC” telekanalına müsahibəsində Tramp özünü İsrail üçün ən faydalı Amerika lideri kimi qiymətləndirib və “Mən İsrail tarixindəki ən yaxşı prezident olmuşam” ifadəsini işlədib.
Məlumata görə, çıxışı zamanı o, ABŞ-də yaşayan yəhudi icmasının siyasi mövqeyinə də toxunub və onların Demokratlar Partiyasının namizədlərinə səs verməsini başa düşmədiyini bildirib. Trampın bu açıqlamaları seçkiqabağı siyasi ritorikanın tərkib hissəsi kimi dəyərləndirilir.
Bildirilir ki, beynəlxalq müzakirələr fonunda Trampın İsraillə bağlı mövqeyi diqqət mərkəzində qalmaqda davam edir.
Digər tərəfdən, İranın xarici işlər naziri Abbas Əraqçi daha əvvəl verdiyi açıqlamada Trampın ABŞ siyasətində İsraillə bağlı sərt mövqelər nümayiş etdirdiyini iddia edib.
