OMM Redaksiyası
Rusiya Təhlükəsizlik Şurasının sədr müavini Dmitri Medvedev İsrail və ABŞ-nin İrana birgə hücumundan sonra rəsmi Vaşinqtonu sərt tənqid atəşinə tutub.
"Operativ Məlumat Mərkəzi-OMM" xəbər verir ki, Medvedev ABŞ-nin İranla apardığı nüvə danışıqlarının sadəcə bir "pərdə" olduğunu iddia edib.
Rusiyalı rəsmi, Vaşinqtonun hərbi əməliyyatlara hazırlıq dövründə diplomatiyadan maskalanma vasitəsi kimi istifadə etdiyini vurğulayıb.
"Sülhməramlı (ABŞ) bir daha öz həqiqi rənglərini nümayiş etdirdi. İranla aparılan bütün müzakirələr hərbi müdaxilə öncəsi həyata keçirilən "örtük əməliyyatından" başqa bir şey deyil. Əslində heç kim real razılığa gəlmək niyyətində olmayıb və bu proses əvvəldən planlaşdırılmış bir ssenaridir".
Bu açıqlama Moskva ilə Vaşinqton arasındakı onsuz da gərgin olan münasibətlərin Yaxın Şərq hadisələri fonunda daha da kəskinləşdiyini göstərir. Medvedevin sözləri Kremlin Qərb diplomatiyasına olan dərin inamsızlığının növbəti ifadəsidir.
