Afət Ziyadqızı
Türkiyənin "Qalatasaray" klubu hücum xəttini kolumbiyalı futbolçu Con Duranla gücləndirməyə hazırlaşır.
"Operativ Məlumat Mərkəzi-OMM" xəbər verir ki, "Fanatik" nəşrinin məlumatına görə, İstanbul təmsilçisi 22 yaşlı forvardın icarəyə götürülməsi ilə bağlı Səudiyyə Ərəbistanının "Əl-Nəsr" klubu ilə razılıq əldə edib.
Məlumata görə, Con Duran yaxın günlərdə müqavilə şərtlərini rəsmiləşdirmək üçün Türkiyəyə gələcək.
Bildirilib ki, kolumbiyalı hücumçunun "Əl-Nəsr" klubu ilə hazırkı müqaviləsi 2030-cu ilin ortalarına qədər qüvvədədir.
Qeyd edək ki, Con Duran 2025/2026 mövsümünün ikinci yarısında Sankt-Peterburqun "Zenit" klubunda çıxış edib. O, Rusiya təmsilçisinin heyətində keçirdiyi 6 oyunda 1 qol vurub.
Məlumata əsasən, "Transfermarkt" portalı futbolçunun bazar dəyərini 15 milyon avro qiymətləndirir.
