OMM Redaksiyası
24 “Böyük dəbilqə” turnirinin qalibi Novak Cokoviç Şanxayda keçirilən “Masters” turnirinin ikinci mərhələsində Hubert Hurkaça məğlubiyyətini şərh edib. Serbiyalı tennisçi 1/32 final matçında polşalı rəqibinə 4:6, 3:6 hesabı ilə uduzub.
Cokoviç bildirib ki, Pekindəki ATP 500 turnirində göstərdiyi səviyyədən uzaq olub və yorğunluq hiss edib. Onun sözlərinə görə, Şanxaydakı kortun örtüyü Pekindəkindən daha sürətlidir. Tennisçi Hurkaçın servis qəbulunun çətinliyini, rəqibinin isə həmin gün xüsusilə yaxşı servis etdiyini vurğulayıb.
Serbiyalı oyunçu Şanxay turnirinə uyğunlaşmağa vaxt tapmadığını da qeyd edib. O, Pekindəki uğurlu həftədən sonra Şanxayda erkən mübarizəni dayandırmasının ciddi problem olmadığını deyib.
Cokoviç hazırda mövsümün sonunadək yalnız Paris turnirində oynamağı planlaşdırdığını açıqlayıb. O, əvvəlcə dincəlmək və Parisə hazırlaşmaq istədiyini, orada yaxşı çıxış etməyə ümid etdiyini bildirib. Tennisçinin açıqlamasını “Punto de Break” yayıb.
