OMM Redaksiyası
Azərbaycan parataekvondoçusu Sabir Zeynalov Paris Qran-Prisini gümüş medalla başa vurub. İdmançı K44 kateqoriyasında 58 kiloqram çəki dərəcəsində mübarizə aparıb və finala yüksəlib.
Həlledici görüşdə Zeynalov İsrail təmsilçisi Asaf Yasuru ilə qarşılaşıb. Azərbaycan idmançısı rəqibinə məğlub olaraq turniri ikinci pillədə tamamlayıb və fəxri kürsüyə yüksəlib.
Dünyanın ən yüksək reytinqli parataekvondoçularının qatıldığı Paris Qran-Prisində Azərbaycan yığması baş məşqçi Fərid Tağızadənin rəhbərliyi altında üç idmançı ilə təmsil olunur. Sabir Zeynalovla yanaşı, İmaməddin Xəlilov 70 kiloqram, Amin Əliyev isə 63 kiloqram çəki dərəcəsində yarışda mübarizə aparır.
