"Çin nüvə qüvvələrini minimum zəruri səviyyədə saxlayır və silahlanma yarışında iştirak etmək niyyətində deyil".
"Operativ Məlumat Mərkəzi-OMM" xəbər verir ki, bu sözləri Çin Xarici İşlər Nazirliyinin sözçüsü Lin Jian bildirib.
O qeyd edib ki, Strateji Silahların Azaldılması Müqaviləsinin müddəti 5 fevralda başa çatıb.
"Çin nüvə qüvvələrini milli təhlükəsizlik üçün zəruri olan minimum səviyyədə saxlayır. Çinin heç bir ölkə ilə silahlanma yarışına girmək niyyəti yoxdur", - Lin Jian əlavə edib.
Xatırladaq ki, daha əvvəl Rusiya prezidenti Vladimir Putin bildirmişdi ki, Rusiya müqavilənin müddəti bitdikdən sonra bir il ərzində onun məhdudiyyətlərinə riayət etməyə hazırdır.
