Afət Ziyadqızı
Çin hakimiyyəti Qaemi qasırğasının quruya çıxacağı təqdirdə ölkənin şərqindəki Fujian əyalətindən 150 mindən çox insanı təxliyə edib.
"Operativ Məlumat Mərkəzi-OMM" xəbər verir ki, bu barədə "Sinxua" agentliyi məlumat yayıb.
Agentliyin məlumatına görə, 70-dən çox bərə reysləri dayandırılıb və 100-ə yaxın hava reysi ləğv edilib. Meteoroloqların məlumatına görə, tayfun şimal-qərb istiqamətində təxminən 10-15 km/saat sürətlə hərəkətini davam etdirəcək.
Hazırda Fujianaya güclü yağış yağır. Gün ərzində bəzi ərazilərə 170 mm-dən çox yağıntı düşüb. Fövqəladə vəziyyətlə əlaqədar dövlət orqanları bir sıra tədbirlər həyata keçirib.
