Afət Ziyadqızı
Rusiya Dəmir Yollarınin mətbuat xidmətinin məlumatına görə, Rusiya və Çin arasında Zabaikalsk–Mançjouli sərnişin qatarı pandemiyadan sonra ilk dəfə olaraq martın 8-də fəaliyyətini bərpa edəcək.
"Operativ Məlumat Mərkəzi-OMM" xəbər verir ki, qurumdan bildirilib ki, martın 6 və 7-dən etibarən İrkutsk və Çita stansiyalarından Mançjouliyə səyahət mümkün olacaq. Birbaşa vaqonlar 328/327 nömrəli İrkutsk–Zabaikalsk qatarının tərkibində hərəkət edəcək.
Məlumata görə, ötən il FESCO Nəqliyyat Qrupu Çinin Uhu şəhərindən Monqolustan ərazisindən keçməklə Moskvaya müntəzəm konteyner qatarı yola salıb. Şirkət qeyd edib ki, yeni marşrut Çin və Rusiya arasında quru daşımalarının coğrafiyasını genişləndirmək məqsədi daşıyır.
Qrupun açıqlamasına əsasən, marşrut Çin platforma şirkəti ilə əməkdaşlıq çərçivəsində idarə olunur. Qatarlar Erlian/Zamin-Uud/Nauşki sərhəd keçid məntəqələrindən (Çin/Monqolustan/Rusiya) keçərək Moskva Dəmir Yolunun Belı Rast stansiyasına çatır.
