Çində dəhşətli partlayış: 7 ölü, 17 yaralı

Çinin Quilin əyalətinin Şinqan rayonunda naməlum səbəbdən güclü partlayış baş verib.

"Operativ Məlumat Mərkəzi-OMM" xarici KİV-ə istinadən xəbər verir ki, hadisə nəticəsində 7 nəfər həyatını itirib, daha 17 nəfər isə müxtəlif dərəcəli bədən xəsarətləri alıb.

Hadisənin şiddəti ətrafdakı digər binaların fasadlarına da ciddi ziyan vurub.

Səlahiyyətli qurumlar tərəfindən aparılan ilkin araşdırmalar zamanı partlayışın təbii qaz sızması və ya bu kimi texniki nasazlıqlar səbəbindən baş vermədiyi müəyyən edilib.

Hazırda hadisənin dəqiq səbəblərini araşdırmaq üçün istintaq tədbirləri davam etdirilir.