Afət Ziyadqızı
Çin Vaşinqton və Pekin arasında ticarət müharibəsi fonunda Amerika filmlərinin nümayişini dayandırmağı planlaşdırır.
"Operativ Məlumat Mərkəzi-OMM" xəbər verir ki, bu barədə Çin Dövlət Kino Administrasiyası bəyanat yayıb.
“ABŞ hökumətinin Çinə qarşı rüsumlardan sui-istifadə etməklə bağlı səhv təcrübəsi qaçılmaz olaraq çinli tamaşaçıların Amerika filmlərinə marağının daha da azalmasına gətirib çıxaracaq”, - nazirliyin bəyanatında deyilir.
“Biz bazar qaydalarına əməl edəcəyik, tamaşaçı seçimlərinə hörmətlə yanaşacağıq və idxal olunan Amerika filmlərinin sayını əsaslı şəkildə azaldacağıq”,- deyə məlumatda qeyd olunub.
ABŞ prezidenti Donald Tramp daha əvvəl Çin məhsullarına tətbiq edilən gömrük rüsumlarının 125 faizə qədər artırılacağını açıqlamışdı. Çin hökuməti aprelin 10-da ABŞ-dan idxal olunan mallara rüsumları 84%-ə qaldıracağını açıqlayıb. Bu tədbir Vaşinqtonun hərəkətlərinə cavab olaraq atılıb.
