Çimayev Striklendə revanş təklif edib, ona 1 milyon dollar vəd edib

Həmzat Çimayev Şon Striklendə revanş döyüşü təklif edib və qarşılaşma üçün ona 1 milyon dollar ödəyəcəyini vəd edib. Çimayev müraciətini sosial şəbəkədə yayımlayıb.

“Striklend, sənə bir milyon ödəyəcəyəm. Koordinatları göndər, döyüşək. Mənim üçün fərqi yoxdur — küçədə, yoxsa qəfəsdə”, — deyə çeçenistanlı döyüşçü yazıb.

Çimayev mayda UFC-nin orta çəkidə çempionluq kəməri uğrunda keçirilən döyüşdə Striklendə hakimlərin bölünmüş qərarı ilə uduzub və titulunu itirib. İndi o, amerikalı rəqibinə revanş təklif edib.

Striklend daha əvvəl UFC ilə Nəsrəddin İmavova qarşı döyüş keçirmək barədə danışıqlar apardığını açıqlayıb. Tərəflər hazırda döyüşçünün qonorarını müzakirə edirlər.