OMM Redaksiyası
UFC-nin orta çəki üzrə çempionu Şon Striklend təşkilatla münasibətlərində dəyişiklik olmazsa, kəmərdən imtina edə biləcəyini deyib. Amerikalı döyüşçü yarım ağır çəkiyə keçərək promouşenlə müqaviləsində qalan döyüşlərini başa vurmaq barədə düşündüyünü açıqlayıb.
Striklend sosial şəbəkə X-də paylaşımında Konor Makqreqorun 30 saniyəlik döyüşə görə 30 milyon dollar qazandığını, digər idmançılara isə bu məbləğin kiçik bir hissəsinin belə ödənilmədiyini yazıb. O, UFC ilə münasibətlərdə heç nə dəyişməsə, vəziyyətin artıq onu bezdirdiyini qeyd edib.
Döyüşçü 205 funtadək çəki dərəcəsinə keçib müqaviləsini başa vurmaq və daha sonra Ceyk Pol ilə döyüşmək ehtimalını da dilə gətirib. Striklend bu variantı əyləncəli adlandırıb.
Striklend son döyüşündə Həmzət Çimayevi məğlub edərək rəqibinə karyerasındakı ilk məğlubiyyəti yaşadıb və UFC-nin orta çəki kəmərini ondan alıb.
