OMM Redaksiyası
Süni intellekt platforması “ChatGPT”nin fəaliyyətində qlobal nasazlıq qeydə alınıb.
"Operativ Məlumat Mərkəzi-OMM" xəbər verir ki, dünyanın müxtəlif ölkələrində minlərlə istifadəçi xidmətə daxil olmaqda, sorğu göndərməkdə və əvvəlki söhbətlərə çıxış əldə etməkdə problemlərlə üzləşib.
İstifadəçilərin əksəriyyəti sistemin yüklənmədiyini və müxtəlif xəta bildirişləri göstərdiyini bildirib.
“OpenAI” nasazlığı təsdiqləyib. Şirkətin rəsmi status səhifəsində “ChatGPT”, “API” və “Codex” xidmətlərində xəta göstəricilərinin artdığı, problemin səbəblərinin araşdırıldığı qeyd olunub.
Hələlik nasazlığın yaranma səbəbi və xidmətlərin tam bərpa olunacağı vaxt barədə rəsmi məlumat verilməyib. “OpenAI” problemin aradan qaldırılması istiqamətində işlərin davam etdiyini bildirib.
