Xarici işlər naziri Ceyhun Bayramov ötən il Azərbaycanın İrandaklı səfirliyinə hücumun bütün xalqa böyük zərbə olduğunu deyib.
"Operativ Məlumat Mərkəzi-OMM"-in məlumatına görə bunu jurnalistlərə açıqlamasında deyib.
"Bu gün 27 yanvar tarixində bir il öncə səfirliyimizə Tehran şəhərində terror aktı törədilmişdi. Bu gün şəhidimiz Orxan Əsgərovu yad etdik. Burada Orxanla həmin terror zamanı birlikdə olan səfirlik əməkdaşları da iştirak etdi. Bir il bundan öncə baş verən terror bütün xalqımız, Azərbaycan üçün böyük zərbə idi. Ən kəskin şəkildə bu akt pislənmişdi, beynəlxalq təşkilatlar da mövqeyini ifadə etmişdi".
