OMM Redaksiyası
Azərbaycanın xarici işlər naziri Ceyhun Bayramov bəyan edib ki, Prezident İlham Əliyevin dünənki fikirləri açıq bir mesajdır. Nazir bu barədə Bakıda moldovalı həmkarı Mixay Popşoi ilə keçirilən mətbuat konfransında danışıb.
“Operativ Məlumat Mərkəzi-OMM” xəbər verir ki, diplomat dövlət başçısının 5 mart tarixində Təhlükəsizlik Şurasında İranın Naxçıvana dron hücumu ilə bağlı bəyanatlarına toxunub.
Ceyhun Bayramov həmkarı ilə danışıqların detallarını açıqlayıb: "Dünən İran XİN rəhbəri ilə telefon danışığımızda məsələni müzakirə etdik. İran tərəfi məsələni ciddi şəkildə araşdırmağa söz verdi, biz də nəticələri gözləyirik".
Nazir bildirib ki, hadisə ilə bağlı diplomatik addımlar atılıb və qarşı tərəfə rəsmi nota verilib. Hazırda İran tərəfindən araşdırmanın başladılması ümumi prosesin bir hissəsidir.
Sonda vurğulanıb ki, Azərbaycanın təhlükəsizlik tədbirləri Prezident İlham Əliyevin rəhbərliyi ilə ən yüksək səviyyədə həyata keçirilir. Regional gərginlik fonunda hərbi qüvvələrin hazırlıq səviyyəsi maksimuma çatdırılıb.
