ABŞ-nin vitse-prezidenti Cey Di Vens bu axşam Ermənistana səfər edərək, Ermənistanın Baş naziri Nikol Paşinyanla görüşəcək.
“Operativ Məlumat Mərkəzi-OMM”-in yerli KİV-ə istinadən verdiyi məlumata görə, görüşdən sonra hər iki tərəf mətbuat üçün bəyanatlarla çıxış edəcək.
Vitse-prezident Vens səfəri zamanı həyat yoldaşı Uşi Vens tərəfindən müşayiət olunacaq. Əvvəlcədən verilən məlumatlara görə, onun Ermənistana səfəri 9-10 fevral, Azərbaycana səfəri isə 10-11 fevral tarixlərində planlaşdırılıb.
Qeyd edək ki, ABŞ vitse-prezidentinin Azərbaycana səfəri zamanı onu ABŞ Dövlət Katibinin iqtisadi məsələlər üzrə müavini Ceykob Helberq müşayiət edəcək.
