Yohannesburqda Cənubi Afrika Respublikasının sədrliyi ilə G20 Xarici İşlər Nazirlərinin Toplantısı başlayır.
"Operativ Məlumat Mərkəzi-OMM" xəbər verir ki, bu barədə TASS məlumat yayıb.
Bildirilib ki, iki gün davam edəcək iclasda 15 xarici siyasət idarəsinin rəhbəri və 4 xarici işlər nazirinin müavini iştirak edəcək. ABŞ-ı Cənubi Afrikadakı Amerika səfirliyinin müvəqqəti işlər vəkili təmsil edəcək.
Cənubi Afrikanın G20-nin müavini Şerpa Xolisa Mabhonqonun brifinqdə verdiyi açıqlamaya görə, iştirakçılar dünyada geosiyasi vəziyyətlə bağlı məsələləri müzakirə edəcəklər.
"Nazirlər Afrika, Yaxın Şərq və Avropada baş verən silahlı münaqişələri müzakirə edəcək və onların həlli yolları ilə bağlı qarşılıqlı anlaşmaya çalışacaqlar", - Mabhonqo bildirib.
O, izah edib ki, Cənubi Afrika G20-nin prezidenti kimi çoxqütblü dünyanı və beynəlxalq münasibətlərdə Birləşmiş Millətlər Təşkilatının (BMT) Nizamnaməsinin üstünlüyünü müdafiə etməyi zəruri hesab edir.
