"Çelsi" klubu 39 yaşlı mərkəz müdafiəçisi Tiaqo Silva ilə yeni müqavilə bağlamaq istəyir.
"Operativ Məlumat Mərkəzi-OMM" xəbər verir ki, bu barədə insayder Nikolo Şira sosial şəbəkələrdə məlumat verib.
London klubu təcrübəli braziliyalını 2025-ci ilin yayına kimi komandada saxlamaq istəyir. Tərəflər arasında mövcud müqavilə gələn il iyunun sonunda başa çatır.
Xatırladaq ki, Tiaqo 2020-ci ildə London komandasına keçib. İngiltərə Premyer Liqasının bu mövsümündə müdafiəçi səkkiz oyun keçirib və bir sarı vərəqə alıb.
Premyer Liqanın 11 turunun nəticələrinə əsasən, "Çelsi" turnir cədvəlinin 11-ci pilləsində qərarlaşıb.
