"Çelsi" Lyuis Holl transferindən əl çəkmir

İngiltərə Premyer Liqasının təmsilçisi "Çelsi" "Nyukasl"ın sol cinah müdafiəçisi Lyuis Hollu transfer etmək niyyətindən geri çəkilmir.

“Operativ Məlumat Mərkəzi-OMM” xəbər verir ki, jurnalist Saymon Filipsin "Transfer News Live" portalına istinadən yaydığı məlumata görə, London klubu futbolçunun transferi uğrunda "Mançester Yunayted"lə rəqabəti davam etdirir.

Məlumata görə, "Çelsi" rəhbərliyi "Mançester Yunayted"in danışıqlarda ciddi irəliləyiş əldə edə bilməməsi səbəbindən transferi reallaşdırmaq şanslarının yüksək olduğuna inanır. Klub öz yetirməsi olan Lyuis Hollu yenidən heyətinə qaytarmağı planlaşdırır.

Qeyd edək ki, "Transfermarkt" portalı 21 yaşlı ingilis müdafiəçinin transfer dəyərini 40 milyon avro olaraq qiymətləndirir. Lyuis Holl "Nyukasl"a keçməzdən əvvəl 12 il "Çelsi"nin akademiyasında çıxış edib.