Dünya tarixini ən qanlı döyüşlərindən biri hesab olunan "Çanaqqala"nın izləri hələ də tapılmaqdadır.
"Operativ Məlumat Mərkəzi-OMM" xarici KİV-ə istinadən xəbər verir ki, mütəxəssislər bu döyüşə aid məzarlıq aşkar edib.
Belə ki, 108 il ötməyinə baxmayaraq "Çanaqqala"nın ən qanlı ərazisi hesab olunan Conkbayırında itmiş məzarlıq aşkarlanıb.
Türkiyənin tarix elmi üzrə mütəxəssislərinin birgə araşdırması nəticəsində oraya çıxan bu məzarlığı təsbit etmək üçün 1000-dən çox arxiv sənədinin incələndiyi bildirilib.
Xatırladaq ki, məzarlığın aşkarlanmasında əvəzolunmaz qaynaq kimi "Şevki paşa" xəritəsinin olduğu bildirilib.
