OMM Redaksiyası
“Bukovina”nın baş məşqçisi Sergey Şişenko Azərbaycan millisinin hücumçusu Renat Dadaşovun transfer edilməsinin səbəbini açıqlayıb. Ukraynalı mütəxəssis bildirib ki, klub transfer pəncərəsində məqsədyönlü şəkildə mərkəz hücumçusu axtarırdı.
Şişenkonun sözlərinə görə, “Bukovina” Dadaşovu müqavilə imzalanmazdan əvvəl də izləyib. Məşqçi futbolçunu təbii mərkəz hücumçusu və “doqquz nömrə” kimi xarakterizə edib, onun meydanda nə etməli olduğunu yaxşı anladığını vurğulayıb.
“O, mənim tələblərimə asanlıqla uyğunlaşa bilərdi. Azərbaycan millisində oynayıb, Almaniya və Türkiyədə çıxış edib”, – Şişenko “sport.rbc.ua”ya bildirib. Məşqçinin fikrincə, Dadaşovun təcrübəsi komandaya fayda verəcək.
Şişenko əlavə edib ki, hücumçu hələ optimal fiziki formasını bərpa etməli və komandanın oyun tələblərinə uyğunlaşmalıdır. Dadaşov transferdən əvvəl “Bukovina”nın matçlarını izləyib. Baş məşqçinin sözlərinə görə, ilk məşqlərdən futbolçunun komandanın oyun prinsiplərini anladığı görünürdü.
