Seneqalda mobil internetin istifadəsinə qadağa qoyulub.
"Operativ Məlumat Mərkəzi-OMM" xarici KİV-ə istinadən xəbər verir ki, buna "nifrət dolu və pozucu mesajların" yayılması səbəb olub.
"Ölkənin müəyyən ərazilərində ictimai asayişin pozulması kontekstində nifrət və pozucu mesajların yayılması ilə əlaqədar olaraq, müəyyən vaxt intervallarında mobil internet müvəqqəti olaraq dayandırılır", - deyə Rabitə Nazirliyinin açıqlamasında qeyd olunub.
Vətəndaşlara internetə daxil olmaq üçün Wi-Fi şəbəkəsinə qoşulmaq tövsiyə olunur.
