“Rusiyanın İsveçdəki ticarət nümayəndəliyinə növbəti PUA hücumu İsveç hakimiyyətinin tam biganəliyi fonunda baş verib, Moskva isə Stokholmdan Vyana Konvensiyası üzrə öhdəliklərin qeyd-şərtsiz yerinə yetirilməsini tələb edir”.
"Operativ Məlumat Mərkəzi-OMM" xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“Dəfələrlə qeyd etdiyimiz kimi, İsveçdəki Rusiya diplomatik mülkiyyət obyektlərinə guya naməlum dronlarla edilən bu cür hücumlar sistematik xarakter daşıyır və İsveç hakimiyyətinin tam biganəliyi fonunda baş verir. Onlar ya bacarmırlar, ya da sadəcə olaraq təqsirkarları məsuliyyətə cəlb etmək istəmirlər”, – deyə diplomat bildirib.
“Biz öz tərəfimizdən, İsveç hakimiyyətinin 1961-ci il Diplomatik Münasibətlər haqqında Vyana Konvensiyasına uyğun olaraq Rusiya diplomatik nümayəndəliklərinin fiziki təhlükəsizliyinin və toxunulmazlığının təmin olunması üzrə qəbul edən tərəf kimi öhdəliklərinə ciddi riayət etməsində israr edirik”, – Zaxarova vurğulayıb.
