Ukrayna bu il müharibədə məğlub ola bilər.
"Operativ Məlumat Mərkəzi-OMM" xarici KİV-ə istinadən xəbər verir ki, bunu Böyük Britaniya Strateji Komandanlığının keçmiş komandiri general Riçard Berrons deyib.
O, buna səbəb kimi Ukraynanın ruhundan düşəcəyi ehtimalını göstərib.
“Vəziyyət o yerə gəlib çatarsa, insanlar nəyə görə müdafiəsi mümkün olmayan ölkəni müdafiə edib ölməlidirlər axı”, - deyə Barrons vurğulayıb.
Keçmiş komandir Ukraynanın hələlik o vəziyyətə gəlmədiyini, lakin sursat, qoşun və havadan müdafiə sistemi çatışmazlığına görə Ukrayna ordusunun zəif olduğunu bildirib.
“Bu yay mövsümündə Rusiyanın ciddi hücumlara keçəcəyini gözləyirik. Burada məqsəd, sadəcə, kiçik ərazilər götürmək deyil, Ukrayna cəbhələrini yarıb keçmək olacaq. Müharibə Rusiyanın lehinə çevriləcək. Bir məsələ dəqiqdir ki, Putinin Ukraynaya hücumdan əl çəkmək niyyəti yoxdur”, - deyə Barrons əlavə edib.