"Lufthansa" Tehrana uçuşları dayandırmaq qərarını uzadıb

Almaniyanın "Lufthansa" aviaşirkəti təhlükəsizlik baxımından İranın paytaxtı Tehrana uçuşları dayandırmaq qərarını aprelin 18-dək uzaddığını açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

"Lufthansa" tərəfindən edilən yazılı açıqlamada, Yaxın Şərqdəki mövcud vəziyyətə görə diqqətli bir qiymətləndirmə aparıldığı bildirilib.

Açıqlamada, "Lufthansa"nın yalnız hökumət qiymətləndirmələrinə əsaslanaraq belə bir qərar vermədiyi, əksinə mövcud təhlükəsizlik vəziyyətini qiymətləndirərək müstəqil şəkildə qərar verdiyi vurğulanıb.