Afət Ziyadqızı
Braziliyanın orta-qərb hissəsində yerləşən Mato Qrosso ştatının Aqa Boa şəhərinin kənd ərazisində kiçik təyyarə qəzaya uğrayıb.
“Operativ Məlumat Mərkəzi-OMM” xəbər verir ki, yerli hakimiyyət orqanlarının məlumatına görə, təyyarə şəhər mərkəzindən təxminən 18 kilometr, ştatın paytaxtı Kuyabadan isə 730 kilometr məsafədə yerə düşüb.
Zərbənin təsirindən təyyarə alovlanaraq tamamilə yanıb.
Əraziyə cəlb olunan yanğınsöndürənlər alovu söndürmək üçün təxminən 4 min litr sudan istifadə ediblər.
Dağıntılar arasında tamamilə yanmış vəziyyətdə üç nəfərin meyiti aşkarlanıb.
Meyitlər şəxsiyyətin müəyyənləşdirilməsi və məhkəmə-tibbi ekspertizanın aparılması üçün aidiyyəti quruma aparılıb.
Təyyarənin hansı istiqamətdən havaya qalxdığı və haraya getdiyi barədə hələlik məlumat verilməyib.
Qəzanın səbəblərinin müəyyənləşdirilməsi üçün araşdırma başlanıb.
