Braziliyanın ədliyyə naziri Flavio Dino "Google"u dezinformasiyanın qarşısını almaq üçün hazırlanan “saxta xəbərlər” qanun layihəsinə qarşı qarayaxma kampaniyası aparmaqda ittiham edib.
"Operativ Məlumat Mərkəzi-OMM" xarici mediaya istinadən xəbər verir ki, Dinonun bəyanatı "Google"un axtarış platformasında qanun layihəsini tənqid etdiyi və ictimaiyyəti qanuna qarşı çıxmağa çağırdığı iddia edilən məqaləyə istinad etməsindən sonra gəlib.
"Twitter"də paylaşım edən Dino, "Google şifrəli və qeyri-qanuni reklamları ana səhifəsindən sildi. Ümid edirik ki, bu cür platformalar senzuranı və ifadə azadlığını pozan mexanizmləri aradan qaldıracaq", -ifadəsini işlədib.
"Google"u saxta xəbər qanun layihəsinə qarşı qarayaxma kampaniyası aparmaqda günahlandıran və onu qanun layihəsini dəstəkləməyə çağıran Dino, əks halda "Google"un cərimələnəcəyi ilə bağlı xəbərdarlıq edib.
