Ərzaq və Kənd Təsərrüfatı Təşkilatı, Ümumdünya Ərzaq Proqramı və UNICEF Sudanın görünməmiş aclıq fəlakəti ilə üzləşdiyini açıqlayıb.

"Operativ Məlumat Mərkəzi-OMM" xəbər verir ki, bu barədə xariciKİV məlumat yayıb.

Bəyanatda BMT-nin müvafiq qurumları Sudanda bir ildən artıqdır davam edən müharibənin ərzaq təhlükəsizliyini tamamilə pozduğunu diqqətə çatdırıb, xüsusən də uşaqların vəziyyətinin sürətlə pisləşdiyi barədə xəbərdarlıq edib.

Bəyanata daxil edilən İnteqrasiya edilmiş Qida Təhlükəsizliyi Mərhələ Təsnifatı (IPC) hesabatının son məlumatları, Sudanda ərzaq təhlükəsizliyinin sürətlə pisləşməsi səbəbindən "fəlakət/qıtlıq" mənasını verən IPC Mərhələ 5-də 755 min insanın olduğunu ortaya qoyub.

Boliviyada prezident Luis Arce hökumətinə qarşı “çevriliş cəhdi” ittihamı ilə saxlanılan keçmiş general Xose Zuniqa və iki komandir həbsxanaya göndərilib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, məhkəmə Arce hökumətinə qarşı çevrilişə cəhd ittihamı ilə mühakimə olunan Zuniqa və iki komandiri 6 ay qabaqlayıcı həbsə məhkum edib. 

Çevrilişçi komandirlər inzibati paytaxt La Pazın dağlıq ərazisində yerləşən Çonçokoro Maksimum Təhlükəsizlik Həbsxanasına göndərilib.

Rusiyanın paytaxtı Moskva şəhərində yataqxanada baş verən yanğında 5 nəfər ölüb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada hadisə nəticəsində 8 nəfərin isə yanan binadan xilas edildiyi bildirilib.

Rusiya mətbuatında əksini tapan xəbərlərdə yataqxananı mühacirlərin istifadə etdiyi qeyd edilib.

Fələstin Qəzzada atəşkəsin təmin edilməsi üçün Birləşmiş Millətlər Təşkilatının Təhlükəsizlik Şurasını təcili tədbirlər görməyə çağırıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Fələstinin BMT-dəki daimi nümayəndəsi Riyad Mənsur BMT-nin baş katibi Antonio Quterreş və BMT Baş Assambleyasının prezidenti Dennis Fransisə məktub göndərib.

Mənsur məktubda Qəzzada atəşkəsin təmin edilməsi, Fələstin xalqının müdafiəsi və beynəlxalq qaydalara riayət edilməsi üçün BMT Təhlükəsizlik Şurasının təcili addım atmasını istəyib.

Roma Papası Fransisk 2025-ci ildə İznik Birinci Ekumenik Şurasının 1700 illiyini Türkiyədə qeyd etməyə ümid etdiyini bildirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

"Ümid edirəm ki, bu son dərəcə əhəmiyyətli hadisənin anılması bütün möminləri imanlarına və daha böyük birlik arzularına birlikdə şahidlik etməyə ruhlandıracaq", - deyə Papa qeyd edib.

Papa Fransisk də 2025-ci il müqəddəs il üçün nümayəndə heyətini və təmsil etdikləri möminləri Romaya dəvət edib.

Onlardan bərəkətli mənəvi bəhrələrin əskik olmaması üçün bu lütf ilini öz duaları ilə müşayiət və dəstəkləmələrini xahiş edərək, "Sizi aramızda görmək çox xoş olardı”,-deyə bildirib.

Keniyada vergi artımı qanun layihəsinə qarşı etirazlarda ən azı 30 nəfərin həyatını itirdiyi açıqlanıb.

"Operativ Məlumat Mərkəzi-OMM" xəbər verir ki, bu barədə ABŞ-də yerləşən "Human Rights Watch" (HRW) təşkilatı xəbər yayıb.

"Etirazçıların qaçmağa çalışdığı zaman daxil olmaqla, əsas olmadan birbaşa izdihamın üzərinə atəş açmaq Keniya və beynəlxalq qanunlara görə tamamilə qəbuledilməzdir. Keniya hakimiyyəti dinc nümayişçiləri qorumalı və polis vəhşiliyinə qarşı tolerantlıq olmayacağını öz qüvvələrinə aydın şəkildə izah etməlidir", - deyə rəsmilər bildirib.