Birləşmiş Millətlər Təşkilatının Humanitar Yardım Koordinasiya Ofisi (OCHA) İsrail ordusunun blokada altındakı Qəzzanın mərkəzi hissələrində həyata keçirdiyi hücumlar səbəbilə son günlərdə 100 min fələstinlinin Misir sərhədindəki Rəfah bölgəsinə getməli olduğunu açıqlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə OCHA-dan verilən yazılı açıqlamada bildirilib.
Belə ki, İsrail Ordusunun Qəzzanı qurudan, havadan və dənizdən ağır bombardmanlarının dünən də davam etdiyi bildirilib.
Bəyanatda Qəzzanın ortasında yerləşən Deyr əl-Belahdakı vəziyyətə diqqət çəkilərək, bu yerlərdə olan 100 min fələstinlinin Rəfah bölgəsinə getməli olduğu bildirilib.
