Avstraliya Rabitə Naziri Anika Uells 10 dekabrda qüvvəyə minəcək 16 yaşdan aşağı şəxslərin sosial mediaya çıxışını qadağan edən tənzimləmənin bir çox ölkənin həsəd apardığı bir modelə çevrildiyini, bu siyasəti nümunə götürmək məqsədilə əlaqə quran liderlərin olduğunu bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Naziri bu ay qüvvəyə minəcək yeni sosial media tənzimləməsi haqqında dəyərləndirmələr edib.
Sosial media qadağasına qarşı çıxan texnologiya şirkətlərindən qorxmadığını qeyd edən Uells bildirib: “Biz platformaların deyil, valideynlərin yanındayıq. Böyük texnologiya şirkətlərindən qorxmuram, çünki etdiyimiz işin mənəvi zərurət olduğunu anlayıram”.
Sözügedən siyasətin dünya üzrə bir çox ölkənin həsəd apardığı bir modelə çevrildiyini vurğulayan Uells bu siyasəti örnək almaq üçün məsləhətləşmə məqsədilə onunla əlaqə quran liderlərin olduğunu qeyd edib.
O, sosial medianı qadağan edən ilk ölkə olmaqdan qürur duyduqlarını bildirib.
