“İnter”in baş məşqçisi Simone İnzaqi UEFA Çempionlar Liqasının 1/8 finalının “Portu” ilə matçından sonra (1:0) açıqlama verib.
"Operativ Məlumat Mərkəzi-OMM" xarici KİV-ə istinadən xəbər verir ki, o, fasilədən sonra rəqibin əks-hücumlar etdiyini bildirib:
“Fiziki cəhətdən güclü komandaya qarşı əla oyun keçirtdik. Birinci hissə önə keçə bilərdik. Yaxşı fürsətləri əldən verdik. İkinci hissə rəqib çox təhlükəli əks-hücumlar etdi. Əvəzetmələr bizə çox kömək etdi.
İlk hissə topla daha sürətli oynamalı olduq. Hücumları daha keyfiyyətli və sürətli qurmaq lazım idi. Tempi artırmaq olardı”.
“Portu” – “İnter” duelinin cavab qarşılaşması martın 14-də Portuqaliyada keçiriləcək.
