OMM Redaksiyası
Ukrayna Prezidenti Volodimir Zelenskinin ofisinin müşaviri Mixaylo Podolyak Belarusa qarşı təhdidlər səsləndirərək, Ukraynanın öz ərazisindəki bütün əsas obyektləri məhv etməyə qadir olduğunu iddia edib.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
"Belarus daxilindəki məsafələri nəzərə alsaq, bütün ərazinin atəş altında olduğuna əmin ola bilərsiniz. Lazım gələrsə, əsas hədəflər məhv ediləcək", - deyə o bildirib.
Podolyak həmçinin Belarus Prezidenti Aleksandr Lukaşenkonun ünvanına təhdid xarakterli açıqlamalar verib.
"Sizi xəbərdar edirik, hər hansı bir addım atmazdan əvvəl onun nəticələri, o cümlədən şəxsi nəticələri barədə düşünmək lazımdır", - o bildirib.
