"Bavariya"nın müdafiəçisi Dayot Upamekano zədə səbəbindən oktyabr ayının qalan hissəsini buraxa bilər.
"Operativ Məlumat Mərkəzi-OMM" xəbər verir ki, bu barədə Münhen klubunun mətbuat xidməti məlumat yayıb.
Məlumata görə, müdafiəçi Bundesliqanın 7-ci turunun “Frayburq”la oyununda (3:0) bud nahiyəsindən zədə alıb. Fransız futbolçu ilkin proqnozlara görə, noyabrın ilk həftəsinə kimi sağalmayacaq.
Qeyd olunur ki, Münhenin məşqçilər korpusu digər müdafiəçi Mattias de Liqtin tezliklə qayıtmasına ümid edir. Oktyabrın 11-də hollandiyalı qaçış məşqlərinə başlayıb.