“Qranada”nın hücumameyilli yarımmüdafiəçisi Brayan Saraqosa “Bavariya”ya keçməyə yaxındır.
"Operativ Məlumat Mərkəzi-OMM" xəbər verir ki, bu barədə "El Chiringuito" nəşri məlumat yayıb.
Mənbənin sözlərinə görə, tərəflər sövdələşmənin şərtlərini razılaşdırıblar.
Alman nəhəngi 22 yaşlı vingerin transferi üçün İspaniya tərəfinə 14-15 milyon avro ödəyəcək.
Futbolçu ilə 4 illik müqavilə imzalanacaq.
Qeyd edək ki, İspaniya çempionatının bu mövsümündə Brayan "Qranada"nın heyətində 14 matçda iştirak edib. Yarımmüdafiəçi 5 qol vurub və 2 məhsuldar ötürmə edib.