OMM Redaksiyası
Sentyabrın 9-da Livanın şimal sahillərində batan gəmidən xilas edilən bir qrup qanunsuz miqrant Əl-Aridə sərhəd-keçid məntəqəsində Suriya hakimiyyətinə təhvil verilib.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, sentyabrın 8-də Livan Hərbi Dəniz Qüvvələrinin əməkdaşları sudan 21 Suriya vətəndaşını xilas ediblər.
Onların Kiprə qanunsuz yolla getməyə çalışdıqları gəmi Livanın şimalındakı Tripoli limanı yaxınlığında yanaraq batıb.
Gəmidə ümumilikdə neçə nəfərin olduğu hələlik məlum deyil. Livan sahillərində axtarış-xilasetmə əməliyyatları davam etdirilir.
Xilas edilənlərdən üç Suriya vətəndaşı ağır yanıq xəsarətləri ilə xəstəxanaya yerləşdirilib.
