Milanın "İnter" klubunun mərkəz müdafiəçisi Alessandro Bastoni İspaniyanın "Barselona" komandasına keçməyə razılıq verib.
"Operativ Məlumat Mərkəzi-OMM" xarici KİV-ə istinadən xəbər verir ki, italiyalı futbolçu Kataloniya təmsilçisi ilə müqavilə imzalamağa tam hazırdır.
Rəhbərlik oyunçuya hələ aprel ayında beşillik müqavilə təklif edib. 27 yaşlı müdafiəçi bu təklifə artıq şifahi şəkildə müsbət cavab verib.
O, yalnız "Barselona" forması geyinmək istəyir və digər klubların variantlarını qətiyyən nəzərdən keçirmir.
Buna baxmayaraq, İspaniya və İtaliya təmsilçiləri arasında hələlik rəsmi danışıqlara başlanılmayıb. "Transfermarkt" portalı Alessandro Bastoninin bazar dəyərini 70 milyon avro olaraq qiymətləndirir.
Lakin ehtimallara əsasən, bu transferin İspaniya nəhənginə daha ucuz başa gəlməsi gözlənilir.
