“Barselona” “Bavariya”nın müdafiəçisi Conatan Ta ilə maraqlanır

“Barselona” “Bavariya”nın mərkəz müdafiəçisi Conatan Ta ilə maraqlanır. Kataloniya klubu 30 yaşlı futbolçunu qış transfer pəncərəsində heyətinə qatmaq imkanını nəzərdən keçirir.

“Sky Sport Germany”nin məlumatına görə, “Barselona” mümkün keçidlə bağlı artıq sorğu göndərib. Klubun idman direktoru Deko müdafiəni təcrübəli futbolçu ilə gücləndirmək istəyir. Ta Pau Kubarsi ilə cütlük təşkil edə və komandaya etibarlılıqla yanaşı liderlik keyfiyyətləri də qazandıra biləcək namizədlərdən biri sayılır.

“Bavariya” yanvarda müdafiəçini satmaqda maraqlı deyil və onu uzunmüddətli planlarına daxil edir. Ta da Münhen klubundakı mövqeyindən razıdır və komandanı dəyişmək niyyətində deyil.

Alman futbolçu 2025-ci ilin yayında “Bavariya”ya keçib. O vaxtdan komandanın heyətində 67 rəsmi oyuna çıxıb. Ta Almaniya millisində də 53 görüş keçirib. Müdafiəçinin klubla müqaviləsi 2029-cu ilin yayına qədər qüvvədədir.